Originally published at the PIA-CARAGA website
Written by Mr. Gerry G. Gabiana
BUTUAN CITY, Okt. 27 (PIA) -– Gitambungan sa mga nagkalain-laing SK Presidents gikan sa mga nagkalain-laing probinsya, syudad ug munisipyo sa Caraga Region ang gipahigayon nga unang Caraga-wide Youth Leaders’ Orientation Workshop ubos sa temang: “Mobilizing Youth for Promotion and Advocacy on Newborn Screening” niadtong Oktubre 21-22, 2011 sa Luciana Inn Convention Center, ni’ng dakbayan.
Gikat-onan sa mga mipartisipar ang mahitungod sa VYLH-Philippines, VYLH mission-vision, current health situation of CARAGA and New Born Screening kon NBS Situation, Nat’l Comprehensive NBS and Nat’l BDS project, Pre-lecture Survey on Folic Acid Supplementation Awareness.
Suportado kini nga programa sa lokal nga panggamhanan sa Butuan pinaagi kang Halandong Mayor Ferdinand M. Amante, Jr., kinsa kasamtangang tsirman sa Caraga Region League of Cities and Municipal Mayors, Regional DILG pinaagi ni Mr. Donald Seronay-Monitoring Evaluation Chief Technical, Regional DOH-Caraga Center for Health Development Dir. Leonita P. Gorgolon-CEO VI, City Health Office, pinaagi ni Dr. Jocelyn C. Chua, ug uban sa mga mamumulong sa UP Los Baños Genetic Society.
Pagkahoman sa gipahigayong pagbansay, dala sa mga mipartisipar ang angayang buhaton ngadto sa mga sook-sook nga dapit ning rehiyon hilabi na sa hisgutanang bag-ong pagpanganak sa mga kababayen-an nga angay’ng proteksyonan ang kabataan gikan sa mga nagkadaiyang hinungdan sa ilang pagkawalay insaktong pag-isip ug mga hinanaling kamatayon.
Misaad usab ug mikompermar ang mga partisipantes nga pagkahoman sa pagbansay ilang ikadangat ngadto sa ilang tagsa-tagsa ka lugar ang importansiya niini nga programa ug adbokasiya alang sa pagmintina sa kaayong panghuna-huna ug maayong panglawas ug layo sa kamatayon sa kabataan nga bag-o pa lamang gipanganak diha sa ilang tagsa-tagsa ka lugar. (Butuan City PIO/PIA-Caraga)
